حول الحل … مقال مبسّط نشر تباعا على صفحة » الثّورة مستمرّة «
À propos de la solution (partie 1)
تسأل فيّا على الحل ؟
و احنا نتناقشوا على صفحة إسمها » الثّورة مستمرّة « ؟
يظهرلي يلزم الواحد يعرف التوجه العام للصفحة قبل ما يسأل على الحل ؟ و مع ذلك الحل سيدي خويا هوّ » الثّورة » و تحديدا الثورة المستمرة … أنا متأكد باش تسألني أي و بعد الثورة آش باش نعملوا ؟ و هو الدليل على أننا نختلفوا على آش معناها ثورة ؟ و اش معناها الثورة مستمرة ؟
الثورة هيّ نقطة قصوى في المسار الثوري اللي ينجم يرتفع كما ينجم ينخفض هذاكه علاه هي مستمرة ، الثورة هيّ نقطة قصوى في الصراع الطبقي …
و الثورة هي هدف في ذاتها و الفصل بينها و بين أهدافها هيّ ديماغوجيا متاع مثقفين باش يبرروا ركوبهم على الثورة بعد لا يجهضوها خدمة للبرجوازية المتعفّنة و هذا ولات الناس الكل تعرفوا بالقدا .
الثورة هيّ عمل هدم و بناء في نفس الوقت .. هدم للأسس الماديّة للدولة المافيوزيّة القائمة و لأسس مجتمعها .. هدم لنمط الانتاج بطبقاتوا و هدم للدولة البرجوازيّة المتهاوية بسلطها و مؤسساتها و أجهزتها .. و الثورة هي هدم للثقافة السائدة فكرا و سياسة و فن و فلسفة … يعني هيّ هدم للبناء الفوقي و التحتي لكل النظام .
و الثورة هي بناء لعلاقات على طرفي نقيض مع السّائد اليوم … هيّ حيازة جماعيّة للمنتجين الأحرار للمصانع و الأراضي و الثروات … في شكل للإدارة الاجتماعيّة التي تعوّض الدولة الطبقيّة و سلطتها المركزية … و هذا لا علاقة له بما يقول به رضا لينين ، كما ذهب الى ذلك أحد المتدخلين ، و لا بمجالس سعيّد او غيره .
Similaire
Source: Tunisie Libertaire